संघीय मामिला तथा सामान्य प्रशासन मन्त्रालयले कर्मचारीहरुको कार्यसम्पादनको विवरण १५ दिनभित्रै तयार पार्न निर्देशन दिएको छ । मन्त्रिपरिषद्को गत चैत्र १३ को बैठकले कर्मचारीहरूको कार्यसम्पादनलाई परिणामसँग जोड्न प्रत्येक पदको कार्यविवरणको वस्तुनिष्ठ कार्यसम्पादन सूचक सम्बन्धित सार्वजनिक निकाय तथा कार्यालयले ४५ दिनभित्र तयार गर्नुपर्ने निर्देशन जारी गरेको थियो ।
बिज्ञापन
सोही निर्देशन अनुसार,संघीय मामिला तथा सामान्य प्रशासन मन्त्रालयको सचिवस्तरीय निर्णयबाट चैत्र मसान्तसम्म सबै पदको कार्यविवरण अद्यावद्यिक गर्न मन्त्रालयले निर्देशन दिएको उल्लेख गर्दै सामान्य प्रशासन मन्त्रालयले मन्त्रालय,सचिवालय,विभाग अन्र्तगत सम्पूर्ण विभाग र कार्यालयले अद्यावद्यिक गरेको कार्यविवरण अनुसार दुई साताभित्रै कार्यसम्पादन सूचक तयार गर्न सामान्य प्रशासनको सचिवस्तरीय निर्णयबाट परिपत्र गरिएको छ ।
बिज्ञापन
सरकारले कार्यसम्पादन मूल्याङ्कन कमजोर हुँदा राम्रो र खराब कार्यसम्पादनलाई समान व्यवहार गर्ने प्रवृत्ति हटाउन ९० दिनभित्र कार्यसम्पादनमा आबद्ध उत्तरदायित्व तथा पुनरावलोकन प्रणाली लागू गरिने जनाएको छ । सरकारले शासकीय सुधारका एक सय कार्यसूचीमा यस्तो व्यवस्था उल्लेख गरिएको छ ।
जस अनुसार,कुनै मन्त्रालय,विभाग,कार्यालयमा दरबन्दी अनुसार कार्यरत रहेका कर्मचारीको सेवा समूह,श्रेणी तथा तहको विवरण उल्लेख गरि सोही स्थानमा पदनाम,कर्मचारीको नाम समावेश गरि कार्यविवरण,क्रियाकलाप,कार्यसम्पादन सूचक,लक्ष्य,समयसीमा,प्रगति तथा उपलव्धी,कार्यसम्पादनको अन्तर प्रतिशतमा,पुष्टयाईको आधार र कैफियतसम्मको विवरणहरु उल्लेख गरी भरेर पठाउनु पर्नेछ । विगतमा कर्मचारीको कार्यसम्पादन मूल्यांकन कर्मकाण्डी रुपमा चल्दै आएको थियो । काम गरे पनि र नगरे पनि निजामती प्रशासन कार्यक्षमताको मूल्यांकनमा शतप्रतिशत अंक पाउने प्रचलन छ । यही कर्मकाण्डी प्रवृत्तिलाई चिर्दै कर्मचारीको कार्यसम्पादनकै आधारमा मूल्यांकन गरिने परिपाटी बनाउन लागिएको सामान्य प्रशासन मन्त्रालयले जनाएको छ । हालसम्म एकपन्ने फाराम भरेका आधारमा कर्मचारीको कासमू मूल्यांकन हुँदै आएको थियो । वार्षिक कार्यक्रम, कार्यविवरणदेखि लक्ष्य निर्धारण, प्रगति र अनुगमनसम्मको चुस्त विधि तथा प्रक्रिया छैन ।
निजामतीका उपल्ला श्रेणीमा ठूलो पदपूर्ति बढुवाद्वारा हुन्छ । बढुवाद्वारा हुने पदपूर्तिभित्र कार्यक्षमताको मूल्यांकन एवं ज्येष्ठता र कार्यसम्पादन मूल्यांकनको हिस्सा ठूलो छ । उपल्ला पदमा आउन कर्मचारीको कार्यक्षमता, अनुभव र कार्यसम्पादनलाई ऐनले उच्च महत्व दिएको छ ।कार्यक्षमताको मूल्यांकनद्वारा हुने बढुवामा ठूलो हिस्सा अर्थात् ४० प्रतिशत अंक कार्यसम्पादनको हुन्छ । र, कार्यक्षमताको शतप्रतिशत अंकमा कार्यसम्पादन अंकको मुख्य भूमिका हुन्छ । कार्यसम्पादनमा ४० अंक नै पाएपछि बाँकी रहेका ज्येष्ठता, शैक्षिक योग्यता, भौगोलिक क्षेत्र र तालिमबापतको वस्तुगत खालका मूल्यांकनको अंक जोडेपछि कार्यक्षमतामा पूर्ण अंक अधिकांशले शत प्रतिशत पाउँदै आएका थिए ।
बिज्ञापन
